Forcat detare të Bashkimit Evropian kanë hipur në bordin e tanker-it MV SUN në Mesdhe, pasi anija dyshohet se është pjesë e të ashtuquajturës “flotë në hije” të Rusisë.

Shefja e politikës së jashtme të BE-së, Kaja Kallas, bëri të ditur se operacioni u krye më 30 gusht nga forcat e misionit EUNAVFOR MED Irini. Sipas saj, anija dyshohet se lundronte nën një flamur të rremë, në shkelje të ligjit ndërkombëtar detar.

“MV SUN, i dyshuar se lundronte nën një flamur të rremë, u hip në bord për të kontrolluar flamurin e tij”, deklaroi Kallas përmes një postimi në platformën X.

Illegal oil sales from shadow fleet ships are a critical lifeline for Russia’s war in Ukraine, and we’ll continue to cut them off.

The oil tanker MV SUN, suspected of sailing under false flag in breach of international maritime law, was boarded on 30 August in the Mediterranean… pic.twitter.com/6HNcOYNcdh

— Kaja Kallas (@kajakallas) August 31, 2026

Misioni EUNAVFOR MED Irini u krijua në vitin 2020 për të monitoruar dhe zbatuar embargon e armëve të vendosur nga OKB-ja ndaj Libisë. Me kalimin e viteve, mandati i tij është zgjeruar, duke i dhënë forcave evropiane mundësinë të kryejnë kontrolle dhe hipje në anije për verifikimin e dokumentacionit dhe flamurit.

Rasti i MV SUN vjen në një kohë kur BE-ja ka rritur vëmendjen ndaj “flotës në hije” ruse, e përbërë nga anije që dyshohet se përdoren për të transportuar naftë dhe për të anashkaluar sanksionet perëndimore.