Sot shënohet dita e 98-të e qëndresës dhe protestës mbarëqytetare kundër kryeministrit Edi Rama, kabinetit të tij qeveritar dhe të gjithë sistemit politik në vend. Sërish sot, me një pjesëmarrje masive, qytetarët po vërshojnë drejt akseve kryesore për të përçuar mesazhe të forta e të drejtpërdrejta ndaj pushtetit.

Edhe gjatë ditës së sotme, protestuesit kanë mbushur rrugët me pankarta domethënëse dhe thirrje të panumërta kundër korrupsionit qeveritar dhe veprimeve të ekzekutivit. Me parulla që kërkojnë largimin e menjëhershëm të Edi Ramës dhe çmontimin e kapjes së shtetit, qytetarët kanë konfirmuar se rezistenca nuk do të ndalet pa plotësimin e kërkesave të tyre.

Në këtë ditë të 98-të të protestës pa ndërprerje, një turmë e madhe protestuesish po marshon masivisht përgjatë bulevardit kryesor me drejtim godinën e Kryeministrisë.