Aktivistja Sidorela Vatnikaj, në fjalën e saj në protestën e 133-të kombëtare kundër qeverisë tha se gjykata liroi dy protestuesit, që qëlluan me vezë makinën e kryeministrit Edi Rama.

Vatnikaj theksoi se aktivistët u arrestuan për qëllime politike.

Ajo nënvizoi se të qëllosh zyrtarët e lartë me vezë është akt rebelimi dhe jo dhune.

Aktivistja Sidorela Vatnikaj:  Jemi dhe do jemi në këtë shesh sepse shqiptarët kërkojnë revolucion.

Gjykata ka shpallur të paligjshme arrestimet e aktivistëve, që gjuajtën me vezë makinën e kryeministrit Edi Rama. Policia i ka arrestuar dhe mbajtur në burg aktivistët në mënyrë të paligjshme. Aktivistët u arrestuan për motive politike. Të godasësh me vezë makinën e zyrtarëve s’është akt dhune, por është akt rebelimi. Nuk është akt dhune, ashtu siç e trajtuan Policia dhe Prokuroria.

Lirimi i aktivistëve është një lajm i mirë për çdo protestues, duke konfirmuar se e drejta për të protestuar është e drejtë themelore e çdo qytetari. Ndërsa dy aktivistë u liruan, por një nga protestuesit para Kuvendit është ende në burg, teksa Balluku e akuzuar për korrupsion shkon e voton në parlament si pa të keq.

Policia vepron sipas urdhrave politikë, por duhet të arrestojë kryetarin e krimit të organizuar në Shqipëri, që është kryeministri.