TIRANE

Dhurata Dora padyshim është ndër këngëtaret më të suksesshme shqiptare, e cila ka prekur tregun e huaj. “Zemër” në bashkëpunim me reperin algjerian Soolking vazhdon të dëgjohet kudo ende dhe mbetet ndër hitet më të padiskutueshme të viteve të fundit.

Por, sukseset për Dhuratën nuk kanë të ndalur. Këngëtarja shqiptare ka vazhduar më tej me një bashkëpunim ndërkombëtar duke bashkuar forcat me Maitre Gims.

Gazeta “Express” mëson se kënga është në fazat finale dhe do të vijë e realizuar me videoklip, xhirimet e të cilit tashmë kanë përfunduar. Për publikun kënga do të jetë gati brenda pak ditësh, ndërsa promovimi i saj mësohet se do të bëhet në një nga radiot më të mëdha botërore.