Arabia Saudite është kthyer në magnet për shumë futbollistë që luajnë në Europë, por jo vetëm kaq, pasi klubet e Saudi Professional League kanë nisur bisedimet edhe me trajnerë të mëdhenj.

Së fundmi, mësohet se tekniku italian Genaro Gatusso ka në tavolinë shumë oferta nga arabët dhe brenda pak ditësh mund të zgjedhë për skuadrën që dëshiron të drejtojë. Me këtë çështje po merret agjenti i Gatussos, Jorge Mendes.

“Timonieri” 45-vjeçar i lindur në Corigliano Calabro udhëhoqi Valencian së fundmi, ndërkohë që nuk mund të lihet pa përmendur përvoja me Milanin dhe Napolin.

(BalkanWeb)