TIRANE- Ky që shihni në foto është lokali ku ndodhi sherri që përfundoi me plagosjen e katër personave mbrëmjen e sotme në rrugën “Gjergj Legisi” në zonën e Laprakës në Tiranë.
Gazetarja Klodjana Lala ka mundur të sigurojë fotot e lokalit brenda të cilit plasi sherri që përfundoi me përdorimin e armëve vetëm disa metra larg tij.
Sipas burimeve policore, autori i dyshuar i plagosjes është pronari i lokalit shtetasi Arben Seferi, i cili është shpallur në kërkim pas ngjarjes.
Ky i fundit ka bërë sherr brenda lokalit me katër klientët dhe vetëm disa metra larg tij, kur ata kishin dalë nga anbjentet e lokalit ka qëlluar mbi ta me armë.
Policia po punon intensivisht për të zbardhur shkaqet e sherrit dhe arsyet që e shtynë pronarin të ngrinte armën mbi 4 personat e plagosur.
TE PLAGOSURIT
Sakaq mësohet edhe identiteti i plotë i njërit prej të plagosurve. Ai është Eljon Lekaj 31 vjeç.
Të plagosurit e tjerë janë: B. M., 31 vjeç, B. K., 33 vjeç, dhe A. B., 46 vjeç. Ata ndodhen të shtruar në spital, jashtë rrezikut për jetën.
(m.a/BalkanWeb)
