Dramatike janë historitë njerëzore që vijnë nga Izraeli pas sulmit nga Hamasi që ka shkaktuar vdekjen e të paktën 1200 izraelitëve.
Një e tillë është ajo e infermieres 22-vjeçare Amit Mann, e cila kaloi orët e fundit të jetës së saj, para se të vritej nga persona të armatosur të Hamasit, duke ndihmuar të plagosurit nga zjarri i terroristëve, siç shihet edhe nga mesazhet që ajo shkëmbeu me motrën e saj, ndërsa operacioni ishte në zhvillim e sipër.
Sipas New York Post, Amit kaloi gjashtë orë djallëzore në klinikën e Kibbutz Beeri në Izraelin jugor pranë Gazës duke u përpjekur të menaxhonte njerëzit e plagosur.
Në të njëjtën kohë, ajo shkëmbeu mesazhe me motrat e saj përmes WhatsApp-it , duke i kërkuar me ankth informacion mbi lëvizjet e ushtrisë izraelite ndërsa personat e armatosur të Hamasit iu afruan klinikës. Amit gjithashtu përshkruan në mesazhe se ka njerëz që ” vijnë të plagosur pandërprerë”.
E pyetur nëse dëgjon të shtëna, infermierja 22-vjeçare u përgjigj: “Po, nuk ndalen. Duket se këtu ka terroristë të tjerë. Edhe brenda shtëpive të njerëzve. Forcat ushtarake janë goditur”.
“Është një luftë dhe ne do të fitojmë. Ju duhet të përqendroheni në kujdesin për veten. Gjithçka do të mbarojë së shpejti” u përpoq ta inkurajonte 22-vjeçaren motra e saj dhe Amit që përgjigjej: “Të dua, faleminderit”.
Mesazhet që Amit ka shkëmbyer me motrën e saj
Akoma më dramatike ishin mesazhet e Amit me motrën tjetër. “Ata janë këtu, brenda në klinikë. Nuk mendoj se do të dal gjallë nga këtu. Bëhu e fortë nëse më ndodh diçka”, ka shkruar 22-vjeçarja teksa ndodhej në kuzhinën e klinikës duke mbajtur një thikë në duar.
Mesazhi i fundit i 22-vjeçares Amit për motrën e saj
Kontakti i fundit i infermieres së re me familjen e saj ishte një telefonatë disa sekondash në të cilën ajo e përlotur tha mes të shtënave me armë: “Ata janë këtu. Më qëlluan në këmbë”.
Trupi i 22-vjeçarit u gjet të hënën së bashku me 107 persona të tjerë të vdekur në Kibbutz.
“Zemra ime është thyer. Ajo ishte princesha e shtëpisë sonë, drita jonë që humbi jetën në betejën e Beerit dhe si infermiere me përvojë u përpoq të shpëtonte jetë deri në momentin e fundit para se të vritej nga terroristët satanë”, tha motra e Amit për Ynet.
“Amit ishte një infermiere heroike që vazhdoi të kujdesej për të plagosurit ndërsa terroristët u përpoqën të hynin në klinikën në Kibbutz Beeri. Ajo sakrifikoi veten duke u përpjekur të mbronte jetën e pacientëve të saj. Prioriteti i saj ishin ata”, tha në një deklaratë drejtori i agjencisë së shpëtimit të Izraelit Magen David Adom.
Amit, 22, filloi karrierën e saj si vullnetare në vitin 2015. Katër vjet më vonë, ajo u certifikua si ndihmëse dhe punoi në njësitë e kujdesit intensiv në rajonin e Negevit.