Në Itali të enjten ka mbërritur futbollisti më i ri i skuadrës së Interit, argjentinasi Lautaro Martinez. Sulmuesi i talentuar sipas “Corriere dello Sport” sot në mëngjes ka lënë ambientet e CONI-t aty ku ka kryer vizitat e para mjekësore.
Tani argjentinasi është drejtuar për në Spitalin Hulumtues të Humanitas në Rozzano, aty ku pritet t’i nënshtrohet pjesës së dytë dhe përfundimtare të testeve.
Sulmuesi i ri, i cili u prit me këngë nga tifozët si ‘Lautaro, ti je njëri prej nesh’ në aeroportin e Milanos Malpensa, pritet të vërë në letër kontratën e tij gjatë pasdites.
Nerazzurrët raportohet se do të paguajnë 23 milionë euro plus bonuse për shërbimet e tij.
“Gazzetta dello Sport” shkruan se Interi do t’ia japë argjentinasit fanellën me numër 10, duke bërë shenjë që ai do të luajë si partner me Mauro Icardin.
(BalkanWeb)
