Policia Kombëtare spanjolle ka arrestuar 197 persona, pjesë e disa grupeve kriminale droge. Në kuadër të një operacion të Europolit, Eurojus-it dhe DEA-s, u sekuestruan 4934 kilogramë kokainë, 1790 kilogramë rrëshirë hashashi, 1316 kilogramë sytha marihuanë, 1,73 kilogramë heroinë, 53 kilogramë lëndë sintetike, 3300 pilula ekstazi, 28 armë zjarri, 38 bizhuteri me vlerë të lartë, 57 automjete, tre gomone, prona të ndryshme me vlerë rreth 12.000.000 euro dhe është bllokuar një llogari prej 10.000.000 euro.
Mes 197 të arrestuarve për trafik droge, ka shtetas shqiptarë, nga Gjermania, Algjeria, Belgjika, Bosnje Hercegovina, Bullgaria, Kanadaja, Kolumbia, Danimarka, Sllovakia, Spanja, Estonia, Finlanda, Franca, Irani, Irlanda, Italia, Letonia, Libani, Lituania, Maroku, Nigeria, Holanda, Polonia, Mbretëria e Bashkuar, Rumania, Rusia, Serbia, Somalia, Suedia, Zvicra, Ukraina, Uruguai dhe Venezuela.
Po ashtu raportohet se mes të arrestuarve janë gjashtë anëtarë të organizatave të rrezikshme kriminale me kapacitet të lartë për të kryer veprimtari të krimit të organizuar në Evropë.
(BalkanWeb)
