Dukesha e Sussex-it, Meghan Markle, është rikthyer në Instagram pas një mungesë të gjatë. Ajo ka hapur një llogari të re dhe një uebsajt të ri, që duket të jetë një markë e re e stilit të jetës.
Meghan hapi llogarinë e quajtur American Riviera Orchard. Biografia për faqen në Instagram thjesht lexon, “Nga Meghan, Dukesha e Sussex. Themeluar në vitin 2024.”
Në Story-n e saj të parë në Instagram, Meghan shihet duke mbledhur lule dhe duke gatuar në kuzhinë me këngën “I Wish You Love” nga Nancy Wilson. Llogaria e re e Meghan ka mbledhur mbi 326,000 ndjekës me nëntë postime. Nëntë kuadratet e fotografive në Instagram krijojnë logon e markës së re.
Megjithatë, Dukesha e Sussex me sa duket ka vendosur të çaktivizojë komentet, ndoshta për shkak të frikës së komenteve negative.
Meghan ka folur për “bullizmin dhe abuzimin” në internet me të cilët ajo u përball kur ishte shtatzënë me Princin Archie dhe Princeshën Lilibet, gjatë një fjalimi në Festivalin South by Southwest (SXSW) në Teksas.
