Vijojnë testet miqësore për ekipet pjesëmarrëse në Europian, por edhe ekipet e tjera po e shfrytëzojnë këtë hapësirë. Anglia fitoi sërish në shtëpi 1-0, ashtu sikurse kishte ndodhur në sfidën e fundit ndaj Austrisë.
Këtë herë ishte Rashford ai që u dha fitoren “Tre Luanëve” kundër Rumanisë. Goli i vetëm u shënua në minutën e 68-të. Rezultati duhej të kishte qenë 2-0, por Henderson gaboi në 78’ në gjuajtjen së 11-metërshit.
Ka bindur Holanda, që fitoi 3-0 në shtëpi me Gjeorgjinë. Depay vijon të jetë në formë, teksa shënoi golin e parë të takimit. Kaq për pjesën e parë. Në të dytën, Weghorst dhe Gravenberch vulosën rezultatin me 3 gola.
Në ndeshjet e tjera miqësore, Austrai barazoi 0-0 me Sllovakinë, Danimarka mposhti 2-0 Bosnje Hercegovinën, Moldavia fitoi 1-0 ndaj Azerbajxhanit, ndërsa Greqia po fiton 2-0 ndaj Norvegjisë në transfertë.
(BalkanWeb)