Monica Bellucci ka treguar edhe një herë dashurinë e saj për ishullin Paros në Greqi. Ylli italian viziton shpesh herë ishullin dhe blerja e saj e fundit tregon se ajo do të vijë më rregullisht në Greqi.

Këtë të paktën e “dëshmon” edhe lëvizja e Belluçit për të blerë një shtëpi në Paros. Sipas një raportimi të “Happy Day”, aktorja qëndronte në Greqi si mysafire e mikut të saj, një astrolog i njohur grek dhe tani vendosi të merrte shtëpinë e saj atje.

Pamjet e shtëpisë luksoze të blerë nga Monica Bellucci u publikuan përmes një video të transmetuar në emision të hënën në mëngjes, 11 shtator.

(BalkanWeb)