Në të parën, ai kërkon që dikush “t’i thotë Papa Leos… se që Irani të ketë një bombë bërthamore është absolutisht e papranueshme” dhe se Irani ka vrarë “të paktën 42,000” protestues gjatë dy muajve të fundit.

Në një postim të dytë, ai përsëriti kritikat e tij ndaj NATO-s, duke thënë se aleanca “nuk ishte aty për ne dhe nuk do të jetë aty për ne në të ardhmen”.

Më herët këtë javë, presidenti amerikan e kritikoi Papën se ishte “I DOBËT në krim dhe i tmerrshëm për politikën e jashtme”, duke pretenduar se “nëse unë nuk do të isha në Shtëpinë e Bardhë, Leo nuk do të ishte në Vatikan”.

Papa Leo iu përgjigj kritikave të Trump, duke thënë se do të vazhdojë të flasë kundër luftës.

Trump ndau gjithashtu një imazh të inteligjencës artificiale të vetes si Jezu Krishti, duke e fshirë më vonë postimin, duke pretenduar se po e përshkruante atë “si mjek që i bën njerëzit më mirë”.

Lidhur me NATO-n, Trump e ka sulmuar vazhdimisht aleancën, duke e akuzuar atë për dështimin në mbështetjen e Uashingtonit gjatë luftës me Iranin.

Ai ka kërcënuar të tërheqë SHBA-në nga aleanca, pasi më parë kishte thënë se “SHBA-të nuk kanë nevojë për asgjë nga NATO”.