SHKODRA

Një 23-vjeçar është arrestuar në Shkodër pasi ishte në kërkim prej 1 muaji për kultivim të bimëve narkotike.

Elvis Gjonit, i kishte caktuar Gjykata e Shkodrës masën e arrestit të shtëpisë teksa gjatë kontrollit në banesë iu gjet dhe municion luftarak. Tashmë materialet për të riun janë referuar në Prokurorinë e Shkodrës për kultivim droge e mbajtje pa leje të armëve luftarake e municione.

NJOFTIMI NGA POLICIA
DVP Shkodër
Vijon puna për kapjen e personave të shpallur në kërkim dhe vënien e tyre para përgjegjësisë ligjore.
Vihet në pranga një shtetas i shpallur në kërkim për veprën penale “Kultivimi i bimëve narkotike”.
Specialistët për Hetimin e Narkotikëve në DVP Shkodër, pas një pune të mirorganizuar, në bazë të informacioneve të siguruara në rrugë operative, kanë bërë lokalizimin e vendndodhjes, kapjen dhe ndalimin e shtetasit në kërkim:
E. Gj. 23 vjeç, banues në fshatin Bleran, Shkodër, të cilit Gjykata e Shkallës së Parë Shkodër, më datë 29.07.2021, i ka vendosur masën “Arrest në burg” për veprën penale “Kultivimi i bimëve narkotike”.
Gjatë kontrollit të ushtruar në banesën e këtij shtetasi u gjet dhe u sekuestrua një sasi municioni luftarak.
Materialet shtesë u referuan në Prokurorinë pranë Gjykatës së Shkallës së Parë Shkodër, për veprat penale “Kultivimi i bimëve narkotike” kryer në bashkëpunim dhe “Mbajtja pa leje e armëve luftarake dhe e municionit”.

(BalkanWeb)