Një nënë britanike e burgosur pasi udhëtoi në Siri për t’iu bashkuar ISIS-it vazhdon ‘transformimin’ e saj që filloi pas lirimit të saj dhe ndan ‘recetat’ e suksesit në TikTok.
Influencuesja aspirante Tarina Shakil së fundmi u tha ndjekësve të saj në platformën popullore se “dështimi nuk e tremb atë” dhe se ajo është e vendosur të arrijë gjithçka që ka ëndërruar gjithmonë. Xhihadistja Towie (siç quhet në mediat në Mbretërinë e Bashkuar për shkak të dashurisë së saj për shfaqjet e realitetit si The Only Way Is Essex ) postoi një video këtë javë duke përshkruar mentalitetin që ajo beson se duhet të ketë për të pasur sukses.
Shakil ka thënë për vendimin e saj për t’iu bashkuar ISIS-it se ishte një gabim i madh për të cilin ajo është thellësisht penduar dhe ka pohuar se është shfrytëzuar nga njerëz që ka takuar në internet. Drejtësia britanike e shpalli atë fajtore në vitin 2016 për bashkim me ISIS-in dhe inkurajimin e terrorizmit përmes aktivitetit të saj në internet dhe e dënoi me 6 vjet burg pasi provat e paraqitura në gjyq treguan se ajo “mbetej e rrezikshme”.
Pas lirimit me kusht në vitin 2018, 34-vjeçarja gradualisht filloi të bëhej më aktive në rrjetet sociale, duke dhënë fillimisht këshilla për modën dhe stilin në Instagram dhe më pas duke postuar një sërë përmbajtjesh në TikTok.
@thatgirl.tamtam Motivation mindset for success. #motivation #motivationmindset #mindset #succes #succesmindset #succesful #empowerment #foryou #fyp #foryoupage
Shumica e videove që ajo ngarkon në TikTok janë realizuar në MB, por ka edhe disa postime nga udhëtimet e saj në qytetet evropiane si Milano dhe Barcelona.
Në postimet e saj, ish-xhihadistja këshillon ndjekësit e saj që të jenë të vendosur dhe të mos dorëzohen kurrë për të arritur qëllimet e tyre. Ajo jep këshilla stili edhe për meshkujt.
@thatgirl.tamtam Main character vibes. #maincharacter #maincharacterenergy #empowerment #knowyourworth #fortheladies #girls #girltiktok
Shakil ishte 26 vjeç kur i tha familjes se do të largohej me djalin e saj të vogël për pushime në Turqi në vitin 2014. Duke përdorur paratë e kredisë studentore për të financuar udhëtimin e saj, ajo kaloi kufirin e vendit në Siri dhe u nis për në Raqqa, bastioni i atëhershëm i terroristëve. Gjatë qëndrimit të saj në Siri ajo u fotografua e veshur me burka dhe një AK-47 në dorë, por edhe me një kapuç të ISIS me djalin e saj të vogël.
Former ISIS recruit Tareena Shakil retells what happened in the aftermath of fleeing Syria, three months after joining the Islamic State group. #ThisMorning pic.twitter.com/7GZNspX9bZ
— This Morning (@thismorning) February 7, 2023
Me postime në Twitter, ajo inkurajoi të tjerët të luftojnë në luftën e shenjtë xhihadiste.
Shakil u arrestua pasi mbërriti në aeroportin Heathrow me një fluturim nga Turqia në vitin 2015. Ajo fillimisht pohoi para policisë dhe anëtarëve të jurisë në gjyqin e saj se ishte rrëmbyer dhe detyruar të paraqitej si anëtare e ISIS. Megjithatë, gënjeshtrat e saj nuk u besuan nga drejtësia britanike, e cila vendosi se ajo i ishte bashkuar organizatës me vullnetin e saj dhe se madje ishte gati të bëhej “dëshmore”.
Hetuesit besojnë se ajo u martua me një xhihadist në Siri, por gjërat nuk shkuan ashtu siç priste në martesën e saj.
