Një person është goditur nga një automjet e më pas është sulmuar nga tre persona të tjerë të panjohur, të cilët janë larguar nga vendi i ngjarjes.
Sipas raportit të Policisë së Kosovës, ngjarja ka ndodhur të mërkurën rreth orës 21:20 në rrugën “Nazim Gafurri”, në Prishtinë.
Siç thuhet në raport, personi i sulmuar ka pranuar trajtimin mjekësor.
“Viktima mashkull kosovar, ka njoftuar se fillimisht është goditur nga një automjet e më pas është goditur nga tre të dyshuar të panjohur të cilët janë larguar nga vendi i ngjarjes. Viktima ka pranuar tretman mjekësor. Nuk raportohet për të arrestuar”, thuhet në raport.