SHBA
Rihanna dhe A$AP Rocky e kanë quajtur djalin e tyre RZA Athelston Mayers, sipas Daily Mail. Djali i tyre mesa duket mban emrin e producentit dhe reperit RZA, liderit të klanit Wu-Tang.
Riri lindi djalin më 13 maj 2022. Ata nuk ndanë asnjë foto të djalit për disa muaj derisa Rihanna më në fund postoi një video të tij në Instagram.
Në shkurt 2023, këngëtarja zbuloi gjatë performancës së saj në ‘Super Bowl’ se ajo dhe reperi janë në pritje të fëmijës së tyre të dytë. Në të njëjtin muaj, babai i Rihanna-s, Ronald Fenty, i tha ‘Page Six’ se muzikantët kishin menduar disa emra për bebushin.
Muzikantët ishin miq për një kohë të gjatë përpara se marrëdhënia e tyre të merrte një kthesë romantike në fillim të vitit 2020. “Ai u bë familja ime në atë kohë,” i tha Rihanna revistës.
Para lidhjes së saj me A$AP, Rihanna ishte në një romancë 4-vjeçare me biznesmenin saudit Hassan Jameel. Ajo gjithashtu ka qenë në lidhje me Travis Scott, Chris Brown dhe Drake.
