Nuk ka paqe për Zlatan Ibrahimovic. Brenda dhe jashtë fushe, sulmuesi i Milanit po kalon një moment të vështirë. Pas kartonit të kuq, pezullimit dhe polemikave për shkelje të rregullave anti-Covid, Ibra duhet të përballet me një problem akoma më të madh. Sipas të përditëshmes suedeze “Aftonbladet” ai ka shkelur rregulloren e FIFA-s dhe UEFA-s dhe rrezikon seriozisht të ardhmen.

Duke qëndruar në zbulimin e gazetës më të madhe të Suedisë, Ibrahimovic vazhdon të jetë aksioner në kompaninë e basteve “Bethard”. Kjo bie ndesh me kodin etik të qeverisë botërore dhe asaj europiane të futbollit, që ia ndalon lojtarëve në aktivitet diçla të tillë. Por e përditëshmja suedeze zbulon se kompania e sulmuesit “Unknown AB” zotëron 10% të aksioneve të kompanisë që ka në pronësi “Bethard” me seli në Maltë. Një lidhje e rrezikshme dhe nëse FIFA apo UEFA provon se ai ka shkelur kodin etik, atëherë Ibrahimovic mund të denohet me një gjobë shumë të majme deri në tre vite pezullim.
(balkanwb)