Akoma probleme për Kevin Spacey. Aktori amerikan i çmimit Oscar, i hetuar nga policia amerikane dhe angleze për ngacmim seksual, është denoncuar për abuzime seksuale në lidhje me një masazhatore në Californi.
Lajmin e bën të ditur Guardian online. Agresioni ka ndodhur 2 vjet më parë në një shtëpi në Malibu. Në denoncimin e prezantuar në gjykatën e Los Angeles, thuhet që ish protagonisti i House of Cards ka detyruar masazhatoren “ta prekë përpara se të tentojë ta puthë’.
Viktima e dyshuar ka reaguar duke i thënë: “Cfare po bën? Kjo është qesharake. Unë jam një profesioniste, kjo është ajo që unë bëj për të jetuar. Kam një fëmijë”.
Përgjigjja e Spacey ka qenë ekstreme dhe e egër, ai reagoi me përbuzje në lidhje me ndjenjat e masazhatores, thuhet në denoncim.
(da.xha/BalkanWeb)