GREQI – Një rajon policie në Athinë është sulmuar me bomba molotov mëngjesin e sotëm në zonën Pefki.
Një grup prej rreth dhjetë personash të maskuar, hodhën pesë shishe me lëndë djegëse dhe pastaj u larguan me vrap në drejtim të paditur.
Një nga bombat molotov goditi kabinën e rojës. Polici që ndodhej brenda shtiu në ajër disa herë për të paralajmëruar agresorët.
Nga zjarri që pasoi janë shkaktuar dëme materiale, ndërsa nuk raportohet asnjë i lënduar.
https://www.youtube.com/watch?time_continue=182&v=NLYtWlnUR7Y
Në vendngjarje shkuan dy makina zjarrfrikëse që neutralizuan zjarrin e shkaktuar në një makinë të policisë dhe në një autoveturë private.
Policia po zhvillon hetime për të gjetur e arrestuar autorët e sulmit.
(e.f/BalkanWeb)