Prej vitesh, PSG po provon në çdo formë të triumfojë në Champions League. Presidenti Al-Khelaifi nuk është kursyer në asnjë sezon, vijon të blejë lojtarët më të mirë në qarkullim, por fundi është gjithnjë i njëjtë, në një formë apo në një tjetër, gjithnjë kanë dalë kokë ulur nga Champions League.
Në gjithë këto vite, PSG ka ndryshuar shumë trajner, ku objektivi ka qenë një dhe i vetëm, kupa me “veshë të mëdhenj”. As kura Mauricio Pochettino nuk ka asnjë efekt, përkundrazi, ky eliminim në fazën e 1/8 ishte shumë i rëndë.
Sipas Le Parisien, fati i teknikut argjentinas tashmë është i shkruar. Në fund të sezonit edhe Pochettino do të hap krahun për ti lënë stafetën një tjetër trajneri, Zinedine Zidane shihet si kandidati kryesor për të marrë drejtimin e PSG.
(BalkanWeb)