Drejtësia japoneze pretendon se ka zbardhur vrasjen e ish-kryeministrit Shinzo Abe vitin e kaluar me armë zjarri, duke paditur një të dyshuar.
Zyra e prokurorit Nara tha në një deklaratë se kishte paditur shtetasin Tetsuya Yamagami për vrasje dhe armë zjarri pasi Abe u qëllua për vdekje më 8 korrik ndërsa mbante një fjalim fushate në një rrugë të qytetit.
I dyshuari, Yamagami i është nënshtruar një vlerësimi psikiatrik në Nara që nga arrestimi i tij vitin e kaluar për të përcaktuar nëse ai është mendërisht i aftë për të dalë në gjyq. Mediat vendase kanë raportuar se vlerësimi i periudhës së paraburgimit të tij ka skaduar ditën e martë.
Autoritetet japoneze kanë deklaruar se i dyshuari është ndalur në vendngjarje dhe ka pranuar se ka qëlluar Abe.
Abe ndërroi jetë në moshën 67-vjeçare dhe gjatë karrierës së tij politike ka qenë, ish-udhëheqësi i Partisë Liberal Demokratike dhe kryeministri më jetëgjatë i Japonisë. Ai ka mbajtur detyrën nga 2006 në 2007 dhe përsëri nga 2012 në 2020, përpara se të jepte dorëheqjen për arsye shëndetësore.
Vrasja e tij në mes të ditës tronditi Japninë dhe mbarë botën.
(BalkanWeb)