Një histori me fund të lumtur kjo e një 5-vjeçari nga Shkodra i cili luftoi me trombocitopeninë. Prindërit të trembur iu drejtuan specialistit të bimëve mjekësore, Ylli Merja. Ai nisi trajtimin e vogëlushit duke synuar në fillim përmirësimin e gjendjes së zorrëve. Përdorimi i barit të bletës, sherebelës, lule basami, lule bishtamithi dhe rrënja e sanzës ndikojnë direkt tek pikat e dobëta të shëndetit.
Sipas Merjas problem i trombocitopenisë është tek prodhimi i këtyre pllakëzave të gjakut në placën e kuqe kockore. Ulja e tyre krijon hemorragji të brendshme dhe hematoma të dallueshme në lëkurë. Shkak sipas Merja është ushqimi jo i favorshëm, lambia, rrezatimet e ndryshme apo edhe mungesa e vitaminës K. Në pamundësi që familja e djalit të vogël të vinte në klinikën e Merjas në Tiranë, për shkak të bllokimit të rrugëve nga pandemia, ai e ka takuar vogëlushin në Shirokë. Atje ai sigurohet se djali është mirë dhe thotë se tani i ka të kënaqshme parametrat e gjakut dhe kryesisht të trombociteve.
Një një intervistë me moderatoren Androniki Kolka, për “News 24” Merja tha se duhet punuar me shëndoshjen e zorrës që ajo të përthithë siç duhet vlerat ushqimore e më pas të punohet në të gjitha drejtimet. Duke folur për raste të veçanta, përmendet Kosova si vend me shumë persona të prekur nga trombocitopenia, me shkaktarë të dyshuar pasojat e përdorimit të armëve, rrezatimet apo edhe lambia. “Kapja në kohë, pirja e një çaji në çdo vakt, janë ilaçi më i mirë.”-thotë Merja shpresëplotë në trajtimin e trombocitopenisë.
(BalkanWeb)
