Prindërit e një foshnje vetëm 15 ditësh kanë thirrur për ndihmë stafin e emisionit “Shqiptarët për shqiptarët”. Fëmija i parë i çiftit Meçani nga Libohova ka lindur më një plagë të madhe të hapur në shpinë, një sëmundje e rrallë kjo e cila prek foshnjat që në fetus duke lënë pasoja të parikuperueshme gjatë gjithë jetës. Sëmundja quhet “spina bifida aperta”. Jeta e Elias varet nga një operacion në Gjermani që kushton 40 mijë euro.

Mjekët shpjegojnë se palca kurrizore e Elias nuk është e mbrojtur, pasi ajo del nga kanali i shtyllës kurrizore duke sjellë kështu dëmtime të nervave që kontrollojnë lëvizjet e gjymtyrëve dhe funksione të tjera jetësore. Elias rrezikon mos të eci kurrë nëse nuk operohet.

Kur palca kurrizore e saj është e hapur dhe e dëmtuar pra nuk është e mbrojtur nga kockat dhe del jashtë në formën e një qeseje të butë në shpinë.
Kjo sëmundje e rrallë tek foshnjat kërkon ndërhyrje kirurgjike dy deri në tre ditë para lindjes me qëllim për të parandaluar infeksionet, si dhe në të njëjtën kohë të parandalohet dhe dëmtimi i palcës kurrizore. Por fatkeqësisht foshnjës nuk i është bërë operacion.

Prindërit Eliona dhe Erjoni kanë bërë apel për ndihmë përmes emisionit të shqiptarëve duke thënë se koha nuk pret dhe se jeta e foshnjës është në duar te tyre për ta shpëtuar.

Mes lotëve e ëma Eliona pasi bën apelin për ndihmë thotë se gjeja që dëshiron më shumë në botë është të ketë në krahët e saj Elian e shëndetshme, ta puthi e ta përqafojë. Dëshiron që ajo të rritet normalisht si gjithë fëmijët e tjerë.

Të dy prindërit e Elias shprehen mirënjohës ndaj ekipit të mjekëve dhe infermierëve në spitalin Universitar Obstetrik – Gjinekologjik “”Mbretëresha Geraldinë” në Tiranë. Ata dëshirojnë që ta kryejnë ndërhyrjen e vajzës jashtë shtetit në Gjermani pasi u kanë dhënë shumë shpresa që vajza të jetojë e të kthehet e shëndetshme.
Sot Elia po lufton me shpirt luftarak për jetën në spitalin Universitar Obstetrik – Gjinekologjik “Mbretëresha Geraldinë” në Tiranë . Gjendja e saj është tepër alarmante dhe rëndohet nga minuti në minutë. E ndërsa ditët po kalojnë shpresat për familjen po zbehen. Por mbështetja e fortë për Elian e vogël është një thirrje e fortë për të gjithë ne!

https://youtu.be/H-SYnzo4dEw