Pavarësisht refuzimit të Arthur Melo për tu transferuar në Torino, Juve dhe Barcelona vijojnë negociatat ndërmjet tyre për Miralem Pjanic. Boshnjak mbetet objektivi kryesor i Barcelonës për të përforcuar mesfushën, fakt për të cilin është vënë në dijeni edhe Juventus. Sipas “Mundo Deportivo”, “Zonja e Vjetër” ka kthyer vështrimin nga dy lojtarë të tjerë të Barçës duke qenë të vetëdijshëm për dëshirën e lojtarit dhe pamundësinë e klubit blaugrana për të paguar kesh.
Preferenca e parë e bardhezinjve është Ousmane Dembele, ndërsa e hapur mbetet edhe pista Arturo Vidal. Për rastin e parë, dëshira e Juves është të transferoj Dembele në formë huazimi me të drejtë blerje. Problemet e shpeshta me dëmtimet ka bërë që Juve të jete skeptike për formën e sulmuesit francez, për këtë arsye e kërkon në formë huazimi. Sfida më e madhe e klubit torinez është përfshira e Vidal në negociatat për kalimin e Pjanic në “Camp Nou”. Mesfushori kilian do të ishte i mirëpritur në Torino, klub ku është aktivuar për katër sezone. Vidal gjithashtu është një objektiv edhe i Inter pasi sponsori i tij më i madhe mbetet Antonio Conte.
(BalkanWeb)
