Ish-ministri i Shëndetësisë, Tritan Shehu nëpërmjet një statusi në ‘Facebook’ ka komentuar takimin e paralajmëruar që pritet të zhvillohet të hënën në Tiranë, në kuadër të ‘Open Balkan’.
Shehu shprehet se projekti ‘Ballkani i Hapur’ lindi nga presidenti i Serbisë, Aleksandër Vuçiç dhe u mbështet nga kryeministri Edi Rama dhe Zoran Zaev, por që sipas tij nuk ka gjetur më tej përkrahje.
Sipas Shehut takimi i thirrur të hënë është një takim bilateral Rama-Vuçiç mbi rrënojat e një projekti të dështuar anti-europian dhe që duhet të varroset, por sipas tij në Beograd ku edhe lindi, jo në Tiranë.
Statusi:
“Ballkani i hapur” nuk mund te ringjallet dhe as te “varroset” ne Tirane!
Inisiativa “Ballkan i hapur” a “Minishengen ballkanik”, ne realitet “Jugosllavia e Re” eshte tashme nje projekt i “vdekur”.
Ai lindi nga Vucic, u mbeshtet nga Rama dhe Zaev, duke mos gjetur asnje perkrahje me tej.
Jo vone dhe elektorati i MV rrezoi Zaev duke votuar edhe kunder ketij projekti.
Keshtu kjo forme vuciciane “Ballkani” realisht u tret, gje qe u verifikua ne takimin e fundit te Novi Sad, apo ne ate ”on line” ne Beograd, kur dhe Vucic e braktisi duke zgjedhur Putinin si pjese e Unionit EuroAsian qe eshte.
Ndersa Presidenti i MV nga Prishtina i dha “colpo di grazia”.
Pra dhe ai vend, me Zaev ish Kryeminister, eshte de facto jashte kesaj inisiative.
Takimi te henen ne Tirane eshte nje takim bilateral Rama-Vucic mbi renojat e nje projekti te deshtuar antieuropeist, qe nuk i ngel tjeter, vecse te varroset.
Por jo ne Tirane!
“Trupi” i tij nuk ka asgje te perbashket me vendin tone e aspiraten tone europiane e perendimore.
“Varri” i tij mund te jete ne Beograd, aty ku lindi, per reminishencat e te cilit u krijua.
Tashme eshte e qarte se jo vetem Shqiperia, por dhe MV, vendet e Rajonit, mbeshtesin e pranojne si forma bashkepunimi vetem projektet e Brukselit si psh ai i Berlinit, te domosdoshme keto edhe per procesin tone te integrimit.
Shqiperia nuk ka pse te behet pjese as dhe e ”ceremonise mortore” te atij procesi te bazuar mbi endra te vjetra nacionaliste serbe e lindore, qe ishte i destinuar te vdiste qe me lindjen e tij.
Se per “ringjallje” as qe behet fjale, ai tashme eshte ne “vdekje biologjike”.
(BalkanWeb)
