Nuk ishte një luftë e ftohtë, të paktën jo për SHBA, por një luftë e vërtetë sportive për të siguruar një biletë për në fazën e 1/16. SHBA i falet individëve plot klas, lojtarë si Pulisic që realizoi golin e fitores përballë Iran duke i kaluar në fazën e nxehtë të Botërorit. Në fakt, SHBA janë kthyer në ekspertë në pikë pasi është hera e tretë në tre Botëroret e fundit që kalojnë fazën e grupeve.
Kjo ishte ndeshja e dytë radhazi që nuk pësuan gol në këtë fazë, diçka që nuk ndodhte që nga viti i lagët 1930. Formacioni titullarë që SHBA hodhi në fushë kundër Iranin ishte 11 më e re e këtij Botërori, me një moshë mesatare prej 24-vjeç e 320 ditë.
Mes lotësh, kërcënimesh dhe lojërave politike, Irani “lan duart” me Botërorin. Kjo nuk ishte një surprizë pasi Irani nuk ka arritur kurrë në histori të kalojë fazën e grupeve. Ky nuk ishte një Botëror i lehtë për përfaqësuesen e Iranit, kjo u përcoll edhe në shkallët e stadiumit ku tifozë të ndryshëm i bënë jehonë protestave që vijojnë prej kohësh në vendin e dytë: “Liri” dhe Mahsa Amini, ishte thirrjet më të shumta në shkallët e stadiumit në sfidën përballë SHBA.
(BalkanWeb)