Kryetari i “Mundësia”, Agron Shehaj, dhe kryetari i Konfindustrias Gjergj Buxhuku u përfshinë në replika mes tyre në lidhje me arsyet e rritjes së çmimit të karburantit në Shqipëri, në raport me rajonin.

Shehaj tha se shkaku i diferencës së cmimit mes Shqipërisë dhe vendeve të rajonit janë taksat.

Por kjo është kundërshtuar nga Buxhuku I cili e sheh problemin tek mungesa e rolit rregullator të shtetit.

Agron Shehaj: Taksat për çdo litër janë shkaqet e çmimit të lartë të karburantit.

Të gjitha zgjidhjet që po propozojnë, nuk kanë vlerë pasi duhet të ulen taksat sa i ka Kosova.

Gjergj Buxhuku: Ne nuk e kemi cmimin më të lartë në rajon sot, sigurisht prej taksave por këtu mungon roli rregullator i shtetit. Por ne nuk kemi treg elastik që do të thotë se ne këtu nuk kemi konkurrencë, këtu cmimet ngrihen dhe ulen me sms, mes operatorëve të naftës.

Agron Shehaj: Ju thoni se ka më shumë konkurrencë në Kosovë se në Maqedoni? Çmimi I naftës varet nga çmimi në bursë. Çdo tregtar nafte në rajon…

Gjergj Buxhuku: Ju po justifikoni tregtarët e naftës?

Agron Shehaj: Unë nuk po them se tregtarët e naftës në rajon janë më të ndershëm se në Shqipëri, se ne e dimë që këtu tregtarët e naftës janë ortakë të Edi Ramës, i dimë. Nëse duam tja shpjegojmë shqiptarëve pse cmimet e naftës këtu janë 2.3 euro shkak është cmimi i naftës.