Detaje të reja janë zbardhur nga aksidenti i rëndë që ndodhi mesditën e sotme në zonën e ish-Kënetës në Durrës. Banorët thonë se të aksidentuarit janë 2 vëllezër me origjinë nga Berati dhe kushëriri i tyre i ardhur nga Puka.
Një nga vëllezërit dhe kushëriri i tyre mbetën të vdekur në vend nga përplasja fatale e automjetit që drejtohej nga Nikoll Radaçi ndërsa vëllai tjetër është plagosur rëndë dhe po dërgohet në spitalin e Traumës në Tiranë.
Ata thonë se kjo rrugë ku ndodhi aksidenti është burim aksidentesh dhe ata janë ankuar gjithmonë.
Banorët thonë se babai i 2 vëllezërve ndodhet në Itali për kurim pasi vuan nga një sëmundje e rëndë.
© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
