Në një intervistë në emisionin “Studio24” në News24, analisti Edvin Kulluri tha se Partia Demokratike është në situatën e saj më të keqe.
Gjatë intervistës, ai u shpreh se pjesa më me vlerë e asaj partie janë larguar dhe aty ka mbetu njerëz që sipas tij janë të dobët.
E paprecedentë që një parti të qëndrojë 4 mandate në opozitë. Ne jemi shumë vonë për të shpresuar te një ringjallje e PD. Sot ka mbetur pjesa më mediokre e partisë, pjesa e mirë janë larguar, nuk flas vetëm në nivelin lart, por flas në bazë. Ka mbetur pjesa e dobët. Këta që sot janë bërë njerëz të rëndësishëm në bazë, kanë qenë njerëz të parëndësishëm kur PD funksiononte. Ajo parti nuk është më parti, njerëzit i ka lodhur. PD sot del diku tek 18 % është katastrofë….Siç ka rënë edhe PS por jo në këto përmasa. Kam një frikë se është shumë vonë. A ja vlen zotit Salianji të bëjë një betejë ashtu siç është PD sot, apo mbase Shqipëria ka nevojë për një frymë të re? Sepse çdo dy vite bën vetëvrasje…”, tha ai.
