Brazili, shtëpia e shumicës së pyjeve tropikale të Amazonës, është gati të udhëheqë rrugën në mbrojtjen e klimës, deklaroi presidenti brazilian Luiz Inácio Lula da Silva në konferencën COP28.

“Ne nuk kemi dy planete Tokë”, u tha Lula krerëve të shteteve dhe qeverive të mbledhur në këtë ngjarje, duke nënvizuar ”nevojën urgjente për të bërë përparim më të shpejtë dhe për të mbrojtur speciet unike të njerëzimit”.

”Brazili tashmë ka reduktuar ndjeshëm shpyllëzimin në Amazon dhe synon ta reduktojë atë në zero deri në vitin 2030”, theksoi ai.

Ndër vendet e krahasueshme, Brazili ka një nga planet më ambicioze për mbrojtjen e klimës, pavarësisht se renditet në mesin e gjashtë emetuesve më të mëdhenj të gazrave serrë në botë.

Brazili do të presë konferencën e OKB-së për klimën COP30 në vitin 2025 dhe tashmë po promovon për një kurs veprimi më ambicioz në Dubai, pjesërisht sepse ai vetë vuan nga thatësira ekstreme.

Në konferencën e fundit të klimës në Egjipt, Lula – pak pas zgjedhjes së tij u lavdërua nga aktivistët e klimës për qëndrimin e tij proaktiv për këtë çështje.

Amazona, pylli më i madh i shiut në botë dhe shtëpia e 10% të të gjitha specieve të njohura të kafshëve, ka qenë nën kërcënim për dekada për shkak të thatësirës, ​​ndotjes së lumenjve, zjarreve dhe shpyllëzimit.

Megjithatë, pavarësisht rënies, Brazili është ende larg qëllimit të tij të deklaruar për zero shpyllëzim.