MILANO – Ish-sulmuesi dhe trajneri i Milanit, Filipo Inzagi, përfundoi në urgjencën e spitalit “Parini di Aosta”, mëngjesin e së dielës.
Mediat në Itali bëjnë të ditur se trajneri ka patur dhimbje të forta stomaku dhe është dërguar me urgjencë në spital.
I shtruar në repartin e gastroenterologjisë, Inzagi iu nënshtrua një sërë testesh, por mjekët konfirmuan se nuk bëhej fjalë për asgjë serioze.
Mediat italiane raportuan se Inzagi la ambientet e spitalit “Parini di Aosta” disa orë pas kontrollit mjekësor.
(er.nu/BalkanWeb)