Nga: ZONJA VJOLLCA*
200 gr makarona të vogla
1 presh
250 gr salçiçe ose suxhuk
60 gr djathë pice
2 lgj djathë parmixhano
2 vezë
2 domate
150 gr krem kosi
2 lgj vaj ulliri
1 lk piper i kuq
Kripë
Piper i zi
Në një tenxhere me ujë të vluar me kripë ziejmë makaronat sipas udhëzimit të shkruar në etiketë. Më pas i shpëlajmë me ujë të ftohtë për të ndaluar zbutjen e tyre. Presim preshin në unaza të trasha dhe e vendosim në ujë të vluar me kripë. Në një tas bashkojmë makaronat me preshin, sallamin dhe djathin e grirë. Vezët i trazojmë me kremin e kosit, kripën, piperin e zi dhe specin e kuq. Në një tavë të lyer me pak vaj ulliri vendosim makaronat. Mbi makaronat vendosim një shtresë me domate të prera në feta rrumbullake dhe më pas i mbulojmë me kremin e kosit me vezë. E spërkasim të gjithë sipërfaqen me djathë parmixhano të grirë dhe e vendosim në furrë në temperaturën 200 gradë Celsius për 30 minuta.
(er.nu/vila24/BalkanWeb)