Autoritetet franceze kanë arrestuar katër persona në lidhje me vrasjen e një të miture vetëm 12 vjeç, trupi i së cilës është gjetur i fshehur në një zonë jo larg vendit ku ajo banonte, mbrëmjen e djeshme.
Denoncimin për trupin e të miturës e ka bërë një person i pastrehë, i cili kishte evidentuar një valixhe pranë një blloku banesash, të fshehur me disa çarçafë të bardhë.
Mediat franceze raportojnë se koka e vogëlushes ishte thuajse e ndarë nga pjesa tjetër dhe se në trupin e saj janë gjetur mbishkrime. Pritet të kryhet autopsia që të vërtetohet edhe shkaku i vdekjes.
Dinamikat e ngjarjes:
Fillimisht kanë qenë prindërit e vajzës ata që ka raportuar humbjen e 12-vjeçares, e cila nuk ka shkuar në shtëpi pas përfundimit të mësimit.
Nëna e vajzës, në faqen e saj në Facebook, kishte kërkuar ndihmë për gjetjen e vajzës, ku kishte shpërndarë edhe foto të së miturës.
🟠 INFO @CLPRESSFR
Le corps d'une adolescente née en 2010 a été découvert cette nuit dans le 19e arrondissement de Paris.
Il était dans une valise.
Elle avait disparu hier après midi alors qu'elle rentrait du collège.
La brigade criminelle est saisie de l'affaire. pic.twitter.com/gbULYp3jtT
— Clément Lanot (@ClementLanot) October 15, 2022
Mediat franceze raportojnë se një banor i zonës, kur ka marrë dijeni për rastin, ka njoftuar policinë se ka qenë një grua ajo që i ka kërkuar ndihmë për të transportuar një valixhe e cila ishte e rëndë, dhe ta fuste në makinë.
Duke gjurmuar pamjet në kamerat e sigurisë të zonës përreth dhe duke ndjekur intenerarin e makinës, policia ka gjurmuar të dyshuarit.
Tre prej tyre u arrestuan gjatë natës ndërsa në mëngjes është arrestuar edhe gruaja.
Kamerat e mbikqyrjes së ndërtesës vërtetuan se adoleshentja po kthehej nga shkolla por se më pas është zhdukur.
Një prej fqinjëve, i cili ka vëzhguar pamjet e sigurisë të banesës së tij, tregon se 12-vjeçarja nuk është aspak e qetë dhe se po shoqërohej nga një grua rreth të 20-ave.
(BalkanWeb)