Policia e Himarë ka goditur një tjetër rast të ndotjes akustike në Dhërmi.

Uniformat blu bëjnë me dije se po procedohet në gjendje të lirë shtetasi e iniciale Xh. M., 28 vjeç, banues në Tiranë.

Njoftimi i policisë:

Dhërmi, Himarë/Nga patrullimet gjatë orëve të mbrëmjes, konstatohet dhe goditet një tjetër rast i ndotjes akustike.

Kishte vënë muzikë të lartë dhe në tejkalim të orarit të parashikuar në ligj, në lokalin në plazh, që kishte në menaxhim, procedohet penalisht 28-vjeçari.

Sekuestrohen pajisjet që gjeneronin muzikën.

Si rezultat i kontrolleve që vijojnë të kryhen gjatë orëve të mbrëmjes dhe gjatë natës, në të gjitha subjektet e shërbimit, në vijën bregdetare, shërbimet e Komisariatit të Policisë Himarë, në një lokal në plazhin e Dhërmiut, kanë konstatuar dhe goditur një tjetër rast të ndotjes akustike.

Për këtë rast u referuan materialet në Prokurori ku nisi procedimi në gjendje të lirë për shtetasin Xh. M., 28 vjeç, banues në Tiranë, pasi duke qenë menaxher i këtij lokali, kishte vënë muzikë të lartë dhe në tejkalim të orarit të përcaktuar, dhe si pasojë, kishte shqetësuar banorët dhe pushuesit përreth.

Në vijim të veprimeve procedurale, u sekuestruan pajisjet që gjeneronin muzikën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.