NASA ka humbur kontaktin me roverin e vogël Ingenuity në Mars ndërsa po bënte fluturimin e 72-të në planetin e kuq, tha agjencia hapësinore amerikane, duke vënë në dukje se po kërkon një mënyrë për të rivendosur komunikimin me të.
Helikopteri, i cili duket si një avion i madh, pa pilot, në vitin 2021 u bë pajisja e parë fluturuese me fuqi që bëri një fluturim në një planet tjetër. Ai mbërriti në Mars me roverin Perseverance, i cili vepron si një “ndërmjetës”, duke mbledhur të dhënat e Ingenuity dhe duke i transmetuar ato përsëri në Tokë.
Ingenuity arriti një lartësi prej 12 metrash në fluturimin e së enjtes, shpjegoi NASA. Por gjatë procesit të zbritjes, komunikimi midis helikopterit dhe roverit humbi para kohe, përpara uljes. Ekipet përgjegjëse për helikopterin po “analizojnë të dhënat e disponueshme dhe po shqyrtojnë hapat e ardhshëm për të rivendosur komunikimin”, shtoi agjencia amerikane.
Ky fluturim është bërë për të kontrolluar sistemet e helikopterit, pasi në atë të mëparshëm ishte ulur më herët se sa ishte planifikuar.
Në një postim në X to Jet Propulsion të NASA-s (JPL), i cili ndërtoi helikopterin, tha se roveri Perseverance aktualisht nuk mund ta “shohë” Ingenuity, por po konsideron t’i afrohet zonës për një “inspektim vizual”.
NASA gjithashtu kishte humbur kontaktet me helikopterin në të kaluarën, si vitin e kaluar, kur ai nuk komunikoi me të për dy muaj. Megjithatë, kjo prishje komunikimi ishte i pritshëm.
Ingenuity, i cili peshon vetëm 1.8 kilogramë, fillimisht ishte menduar të bënte vetëm pesë fluturime, por misioni i tejkaloi të gjitha pritjet. Në total, ai levizi 17 kilometra dhe arriti një lartësi prej 24 metrash. Jetëgjatësia e tij është e jashtëzakonshme, duke qenë se duhet t’i “mbijetojë” të ftohtit të natës marsiane dhe nxehet vetëm nga panelet e tij diellore që ngarkojnë bateritë e tij gjatë ditës. Kështu, ai evoluoi në një “shok” të përhershëm të roverit Perseverance, misioni i të cilit është të kërkojë gjurmë të jetës në Mars.
