Shqipëria ka bërë një paraqitje dinjitoze në Botërorin e Minifutbollit duke e mbyllur aventurën me barazim me Anglinë. Pavarësisht rasteve të shumta asnjëra prej skuadrave nuk arriti të shënonte gol.

Padyshim protagonistë në këtë duel kanë qenë shtyllat dhe traversat duke iu mohuar disa herë kuqezinjve dhe anglezëve gola. Portieri i Shqipërisë, Rej Xhaferi, ka bërë një paraqitje fantastike duke mbajtur të paprekur portën.

Shqipëria nuk arriti të marrë asnjë fitore teksa në debutim kundër Sllovakisë humbi me rezultatin 2-0 dhe në sfidën e dytë ndaj Francës me rezultatin 3-2.

(BalkanWeb)