Një sherr është regjistruar sot në KZAZ nr.21 në Durrës, ku po vijon procesi i numërimit të votave. ‘BalkanWeb’ meson se kreu i PD-së në Durrës, Ferdinand Xhaferri ka debatuar me ish-kryebashkiakun Vangjush Dako.
Pasi Xhaferri është futur në pallatin e sportit, i është afruar podiumit ku qëndronte i ulur Dako, ndërsa i ka thënë me ironi: “Dako je bo politikan. Vangjush Dako je bo politikan. Bravo të qoftë!”. Ndërkohë që simpatizantët e PS-së kanë nisur në ovacion; ‘fitore, fitore!’. Më pas, duke iu afruar shtabit elektoral të PS-së, Xhaferri iu drejtohet; “Jeni zagarët e Dakos”.
Shkëmbimi i fjalëve në distancë ka bërë që te kete debate te forta, madje edhe shtyrje fizike mes palëve.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
