Përgjithësisht Kadastrat në qytetet bregdetare të vendit kanë qenë pjesë integrale e kronikave për raste abuzimi pronash, sidomos në zonën e plazheve.

Rasti më i fundit vjen nga qyteti i Sarandës, ku sot, policia arrestoi punonjësin e Kadastrës së qytetit bregdetar, Laert Pashën, me detyrë specialist i sportelit dhe arkivës në zyrat e ASHK. Ai dyshohet se ka konsumuar elemente të veprës penale “Korrupsioni pasiv i personave që ushtrojnë funksione publike”.

Materialet iu dërguan Prokurorisë së Posaçme Kundër Korrupsionit dhe Krimit të Organizuar, Tiranë, për hetime të mëtejshme.

Ky është rasti më i fundit i ndodhur në Kadastrën e Sarandës, i një serie arrestimesh e procedimesh që kanë nisur 5 muaj më parë.

Në total janë vendosur nën hetim edhe 3 punonjës të IVMT të Bashkisë së Sarandës, 1 punonjës i Urbanistikës pranë Bashkisë, 1 punonjës dogane dhe 1 policie.

5 punonjësit e ASHK që janë lënë në burg, për korrupsionin e ushtruar në këto zyra të shërbimit shtetëror janë: Andri Dhima, Saimir Braho Erilton, Ymeri Vasil, Lango dhe Laert Pasha, që është dhe rasti më i fundit.

Të arrestuarit e tjerë, të shpallurit në kërkim dhe personat e proceduar:

– Romina Pulaj, ish punonjëse e IMVT ndodhet në burg për shpërdorim detyre.

– Martin Arapi dhe Nertion Jano nga IMVT si dhe Kozeta Statha nga ASHK ndodhen në kërkim.

– Në gjendje të lirë nga Urbanistika për shpërdorim detyre është P. ZH., pa masë sigurie.

– Me masë detyrim paraqitje nga dogana është D. D.

– Me masë pezullim nga detyra nga Policia është L. Z

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb