Sulmuesi shqiptar i Kosovës, Albin Berisha ka shënuar pas një kohe të gjatë në kampionatin e Rumanisë, teksa ditën e sotme u shndërruar në një hero te Petroluli.

Berisha arriti të realizonte golin e fitores në ndeshjen e mbijetesës së Superligës kundër Otelulit, ku skuadra e tij Petrolul, triumfoi me rezultatin 2-1. 23-vjeçari në lojë hyri në minutën e 59-të, ndërsa shënoi golin e fitores në minutën e 80-të. 

Golin e fundit, Berisha e kishte shënuar më 8 mars, por ky i ditës së sotme ishte shumë me vlerë.  Sulmuesi ka shënuar 3 gola në 13 paraqitje për Petrolulin, që siguron mbijetesën në Superligën e Rumanisë një javë para fundit. Petroluli ka 29 pikë, ndërsa Voluntari ka 24 pikë dhe mban vendin e 13-të që ka pasojë rënien nga elita.