SHKODËR

Pas vrasjes së avokatit në Elbasan, Dhoma e Avokatisë në qytetin e Shkodrës ashtu si dhe kolegët e tyre në të gjithë Shqipërinë kanë bojkotuar për 3 ditë seancat gjyqësore.

Gazetari Senad Nikshiqi raporton për ‘BalkanWeb’ se në mënyrë simbolike, avokatët u mblodhën në një nga sallat e gjyqit në gjykatën e Shkodrës dhe mbajtën 1 minutë heshtje në nderim të kolegut të tyre avokatit Ravik Gura, i cili u ekzekutua disa ditë më parë në Elbasan.

Sekretarja e Dhomës së Avokatisë në Shkodër, Laureta Vathaj tha se misioni i avokatit është fisnik dhe nuk duhet të jetë i rrezikuar. Ditën e sotme u zhvilluan seancat gjyqësore vetëm për masat e sigurisë ndërsa të tjerat u shtyn pas bojkotit të avokatëve mbrojtës.

(n.m/BalkanWeb)

• Avokatët në Fier bojkotojnë gjyqet për kolegun e vrarë në Elbasan
• Vrasja e Gurrës, avokatët në Lushnje, Berat e Durrës bojkot punës
• Solidaritet në Korçë, avokatët protestë për vrasjen e Ravik Gurrës
• Vrasja e avokatit, Dhoma e Avokatisë: Nuk shërbejmë për 3 ditë
• Vrasja e Ravik Gurrës, vendimi i Dhomës së Avokatisë në Elbasan