Presidenti ukrainas Volodymyr Zelenskiy vizitoi një shtypshkronjë një ditë pasi u shkatërrua në një sulm raketor rus që vrau të paktën shtatë persona. Zelenskiy vizitoi qytetin verilindor të Ukrainës, Kharkiv, ndërsa po përballet me sulme ajrore të intensifikuara ruse në mes të një ofensive nga forcat e Moskës në veri të rajonit.

Sulmi i Rusisë në rajonin e Kharkiv, i cili rezultoi në vdekje dhe plagosje të civilëve, shkatërrimin e një shtypshkronjeje dhe djegien e 50,000 librave, tregon se Rusia është në luftë me njerëzimin dhe të gjitha aspektet e jetës normale. tha Zelensky. Presidenti ukrainas theksoi se terrori rus duhet mposhtur.

“Dhe për këtë nevojitet vetëm një gjë – vendosmëria e liderëve botërorë. Mbrojtje e mjaftueshme kundërajrore për qytetet dhe komunitetet ukrainase, aftësi të mjaftueshme me rreze të gjatë për ushtarët tanë dhe vendime mjaft të guximshme politike”, tha ai.

Kharkiv, qyteti i dytë më i madh i Ukrainës, i cili shtrihet rreth 30 km nga kufiri me Rusinë eshte përballur me sulme të përditshme me raketa, dron dhe bomba të drejtuara për muaj të tërë.