Zv/sekretarja e përgjithshme e Kombeve të Bashkuara (OKB), Amina Mohammed, ka shprehur shqetësim të thellë për situatën e vështirë morale mbi Gazën. “Unë do të them se për mua një shqetësim i madh është se ne kemi humbur busullën tonë të moralit në Gaza”, tha Mohammed.

Në një konferencë për media, Mohammed theksoi nevojën për veprim kolektiv nga komuniteti ndërkombëtar për të adresuar krizën në vazhdim. Ajo gjithashtu theksoi urgjencën e situatës. “Ne jemi vonë. Janë 1 mijë fëmijë që vazhdojnë të humbasin jetën, që jetojnë të amputuar. Janë me qindra pengje që presin të kthehen në shtëpi”, tha ajo.

Mohammed theksoi se në kuadër të synimeve të zhvillimit të qëndrueshëm, “një gjeneratë” tashmë ka humbur në Gaza. Ajo tha se thjesht rindërtimi i infrastrukturës nuk do të zgjidhë problemet në Gaza, ku mohohen të drejtat themelore.

“Është më shumë se thjesht rindërtimi i infrastrukturës. Në fakt, këta janë njerëz, këto histori janë komunitete, këto janë jetë gjeneratash”, theksoi ajo.