SHKODËR
Kandidati i PS-së për Shkodrën, Valdrin Pjetri ka folur për mediat pasi u shpall fitues në qytetin verior. Ai tregoi se procesi i numërimit ka shkuar normalisht dhe nuk është shënuar asnjë incident. Sipas Pjetrit, qytetarët e Shkodrës treguan qytetari, ndërsa i cilësoi zgjedhjet e 30 qershorit si historike.
“Jemi në ambientet e KZAZ këtu në Shkodër. Numërimi për kandidatë ka përfunduar, tani që flasim po numërohen votat e këshillit. Deri nga mesnata besoj se do të këtë përfunduar numërimi për këshilltarët. Procesi deri tani ka ecur shumë mirë.
Dua të falënderoj banorët e bashkisë së Shkodrës, edhe votuesit, që me datë 30 qershor, treguan maturi, qetësi dhe siç e kemi thënë edhe herë të tjera jam krenar për Shkodrën e shkodranët, që këto janë zgjedhjet e para që nuk shënohet kurrfarë incidenti në këto 28 vite demokraci”-tha ai.
