Tërmeti 7.4 ballë goditi këtë të hënë Turqinë dhe Sirinë duke shkaktuar mbi 500 të vdekur dhe mijëra të plagosur.

Përfaqësuesi i Lartë për Politikën e Jashtme Josep Borell ka reaguar për këtë tragjedi duke shprehur mbështetjen dhe solidaritetin me popullin e goditur nga tërmeti.

“BE-ja është e gatshme të ndihmojë”. ka thënë Borell.

Më herët reagoi edhe presidenti Recep Tayyip Erdogan pas tërmetit të fuqishëm që goditi Turqinë mëngjesin e sotëm.

Kreu i shtetit ka shprehur ngushëllime për humbjen e mbi 500 jetëve, në Turqi dhe Siri, ndërsa tha se autoritetet janë në këmbë për të bërë maksimumin dhe për të shpëtuar njerëzit që kanë mbetur ende nën rrënoja.