Ministri i Drejtësisë, Ulsi Manja, së bashku me Kryeministrin Edi Rama, prezantuan paketën e re ligjore për mbrojtjen dhe kontrollin e territorit.

Paketa përfshin masa të forta administrative dhe penale kundër ndërtimeve pa leje dhe zjarreve.

Ndryshimet synojnë rritjen e sigurisë, rendit dhe mbrojtjes së qytetarëve. Kjo nismë lidhet me vizionin “Shqipëria 2030” dhe vendos themelet për një shtet më të fortë ligjor.

Postimi i ministrit të Drejtësisë Ulsi Manja:

Sot, së bashku me Kryeministrin Edi Rama, prezantuam paketën e re ligjore për mbrojtjen dhe kontrollin e territorit, e cila forcon ndjeshëm masat administrative dhe penale kundër ndërtimeve pa leje dhe për mbrojtjen nga zjarret.

✅ Ndryshime në ligjin “Për planifikimin dhe zhvillimin e territorit”

✅ Përmirësime në ligjin për kontrollin e punimeve të ndërtimit

✅ Rregulla më të forta për inspektimin dhe mbrojtjen nga ndërtimet e paligjshme

✅ Administrim të qartë dhe me qëllim publik të ndërtimeve të konfiskuara

✅ Përforcim të dispozitave të Kodit Penal

Kjo paketë sjell një standard të ri të shtetit ligjor, të lidhur me vizionin tonë për Shqipërinë 2030:

➡️ Më shumë rend

➡️ Më shumë siguri

➡️ Më shumë mbrojtje për qytetarët

Shqipëria e së nesërmes ndërtohet sot, mbi themelet e ligjit dhe të drejtësisë!