Trajneri i Aston Villa, Unai Emery tregoi këndvështrimin e tij para finales së Europa League ndaj Freiburg.

“Unë nuk jam mbret në këtë garë. Tani është një mënyrë e re, një moment i ri dhe shpresojmë një fitues i ri. Në çdo ndeshje duhet të përpiqesh të ndërtosh mentalitetin e duhur gjatë gjithë sezonit, jo vetëm për finalen.

“Tani është një përvojë e re që do ta kemi nesër dhe është e rëndësishme në strukturën tonë se si po i menaxhojmë emocionet tona. Kemi luajtur shumë ndeshje dhe kemi pasur shumë emocione”.

“Duhet të përpiqemi ta kuptojmë presionin si diçka pozitive, jo negative. Duhet të luajmë me personalitet, me vetëbesim dhe për ta bërë këtë duhet të luajmë me intensitet”.