Një incident i dhunshëm ka tronditur transportin publik në Sydney të Australisë, ku një grup të rinjsh dyshohet se sulmuan fizikisht një pasagjer pasi ai u kërkoi të ulnin volumin e muzikës që po dëgjonin me zë të lartë. Ngjarja ndodhi pak para mesditës së së shtunës dhe u filmua nga persona të pranishëm në tren. Pamjet tregojnë disa të rinj duke goditur me grushte burrin, ndërsa pasagjerët e tjerë shikojnë të tronditur skenën.

Sipas një dëshmitari okular, grupi po konsumonte vodka dhe po dëgjonte muzikë me volum të lartë. Pasagjeri i sulmuar iu drejtua atyre me një kërkesë të sjellshme për të ulur zërin, por situata u përshkallëzua në dhunë fizike. Pas publikimit të videos në rrjetet sociale dhe largimit të autorëve nga vendi i ngjarjes, policia australiane ka nisur hetimet dhe po kërkon ndihmën e publikut për identifikimin e personave të përfshirë.

Edhe kompania që administron rrjetin e transportit publik reagoi pas incidentit, duke theksuar se zbaton një politikë të “tolerancës zero” ndaj dhunës. “Siguria e pasagjerëve dhe e stafit tonë është përparësia kryesore dhe do të bashkëpunojmë plotësisht me policinë në hetimin e kësaj ngjarjeje,” thuhet në deklaratën e kompanisë. Ngjarja ka shkaktuar reagime të shumta në rrjetet sociale. Disa komentues shprehën shqetësim për sjelljen e të rinjve dhe kërkuan përgjegjësi nga prindërit, ndërsa të tjerë ngritën pyetjen pse pasagjerët e pranishëm nuk ndërhynë për të ndihmuar viktimën.

A group of teens were seen blasting music on a Sydney train, when a man reportedly asked them politely to turn it down.

He was then pushed and attacked by the thugs, leaving him injured and an ambulance called. The thugs fled the scene at Strathfield.#Sydney #Fight #Train pic.twitter.com/PZvX7fpb4i

— BNM Australia (@BibleNewsMedia) June 22, 2026