Florence Pugh dhe Paul Mescal kanë ndezur thashethemet për romancë pasi u panë së bashku në BAFTA Film Awards.

Dyshja thuhet se po shijonin kohën me njëri-tjetrin gjatë ceremonisë të së dielës. Më pas, të dy yjet iu bashkuan festës pasuese të Netflix në Chiltern Firehouse në orën 1:30 të mëngjesit. Florence e kaloi natën në festë, duke u shoqëruar me Paul, Rosamund Pike, Lily James dhe Sacha Baron Cohen. Kjo vjen pasi të dy u panë javën e kaluar duke darkuar në Nju-Jork.

“Florence dhe Paul lëvizin në të njëjtat qarqe dhe kanë qenë shokë për disa kohë,” tha një burim për The Sun për romancën e përfolur. “Nëse miqësia e tyre do të kalonte në diçka më romantike, askush nuk do të habitej.”

Lidhja e fundit e njohur e Florence ishte me fotografin Charlie Gooch, me të cilin u nda në tetorin e vitit të kaluar.

Ndërkohë, Paul për herë të fundit ka qenë i lidhur me këngëtaren Phoebe Bridgers, me të cilën u nda në dhjetor 2022.