Dy persona u vranë dhe 10 u plagosën në bombardimet e fundit ruse në rajonin jugor të Ukrainës, Kherson , thanë zyrtarët rajonalë.

Guvernatori rajonal Oleksandr Prokudin tha në aplikacionin e mesazheve Telegram se forcat ruse gjatë natës kishin goditur zonat e banuara, dyqanet, infrastrukturën mjekësore dhe infrastrukturën tjetër.

Një nga të vdekurit ishte një polic. Disa  fëmijë ishin në mesin e të plagosurve në sulmet e natës në kryeqytetin rajonal, Kherson, tha ai.

Nuk kishte asnjë koment të menjëhershëm nga Rusia, e cila filloi pushtimin e saj në shkallë të plotë të Ukrainës në shkurt 2022.

Trupat ukrainase i dëbuan forcat ruse nga një pjesë e rajonit Kherson nëntorin e kaluar pas disa muaj pushtimi, por Rusia ka vazhduar të bombardojë kryeqytetin rajonal dhe zonat përreth tij nga përtej lumit Dnipro .

Roman Mrochko, kreu i administratës ushtarake të qytetit Kherson, tha se 22 njerëz ishin vrarë nga bombardimet ruse vetëm në shtator.